Solar Car పనికి రాని కారుని సోలార్ శక్తితో నడిపించిన విద్యార్థులు..

దేశంలో పెట్రోల్‌, డీజిల్‌ ధరలు మండిపోతున్నాయి. దీంతో వాహనదారులు ఎక్కువగా ఎలక్ట్రిక్‌ వాహనాల వైపు మొగ్గు చూపుతున్నారు. ఎలక్ట్రిక్‌ బైక్‌, కార్ల వినియోగం పెరిగిపోయింది. ఒక్కసారి ఛార్జ్‌ చేస్తే ఎక్కువ దూరం ప్రయాణించే సౌకర్యం ఉండటంతో వాహనదారులు వీటిపై మొగ్గు చూపుతున్నారు. ఇంధనంతో పనిలేని పర్యావరణ హితమైన వాహనాల వైపు వాహనదారులు ఆసక్తి కనబరుస్తున్నారు.

తాజాగా హైదరాబాద్‌కు చెందిన కొందరు విద్యార్థులు ఎందుకూ పనికిరాని దశాబ్ద కాలం నాటి కారును విజయవంతంగా నడిపేలా చేసి ఔరా అనిపించారు. పదేళ్ల కాలం నాటి కారును దిగ్విజయంగా నడిచేలా చేశారు ఈ మెకానిక్‌ విద్యార్థులు. ఇందుకు వారు ఉపయోగించింది విద్యుత్‌ శక్తి కాదు సౌర శక్తి.. కారు ఏ మాత్రం పనికిరాని దశ నుంచి విజయవంతంగా నడిచేలా చేయడానికి ఎంత శ్రమించారో వివరాలు తెలుసుకుందాం..

ఈ ప్రయోగం కోసం విద్యార్థులు ఎంచుకున్నది మారుతి సుజుకి ఆల్టో కారు. ఈ కారు వారి చేతుల్లోకి వచ్చినప్పుడు అసలు పనికిరాని స్థితిలో ఉంది. ఈ ఆల్టోకు విద్యార్థులు కొత్త రూపంతో పాటు జీవం పోశారు. ఈ ఐదుగురు విద్యార1/p>

ఈ ప్రయోగంలో ఈ విద్యార్థులు చదువుతోపాటు తమలోని ప్రత్యేక నైపుణ్యాలను ప్రదర్శించారు. వీరు చేసిన ప్రయోగం వారితో పాటు కాలేజీ, కుటుంబీకులకు గర్వకారణంగా మారింది. నేటి ఆధునిక యుగంలో పెట్రోల్, డీజిల్ ధరలు విపరీతంగా పెరిగాయి. ఎలక్ట్రిక్ వాహనాల వినియోగం దేశంలో సరిపడా ఛార్జింగ్ సెంటర్లు వినియోగంలో లేకపోవడం అతిపెద్ద సమస్యగా కనిపిస్తోంది.

ఎక్కువ సంఖ్యలో ఛార్జింగ్ స్టేషన్లు లేకపోవడంతో చాలా మంది ఛార్జింగ్ పెట్టుకోవడానికి గంటల తరబడి ఎదురుచూడాల్సి వస్తోంది. ఇలా నిరీక్షించినా, వరుసగా ఎక్కువ వాహనాలు ఛార్జ్ చేయడానికి వేచి ఉండటంతో పూర్తి ఛార్జింగ్‌కు ముందే ఛార్జింగ్ నిలిపివేసి బయటకు రావాల్సిన పరిస్థితి ఏర్పడింది.

గత కొంతకాలంగా ఎలక్ట్రిక్ వాహనదారులు ఛార్జింగ్‌ సమస్యను ఎదుర్కొంటున్నారు. ఈ దశలో ఈ ప్రయోగం ఎలక్ట్రిక్‌ వాహనాలకు ప్రత్యామ్నాయం అని చెప్పవచ్చు. ఛార్జింగ్ సెంటర్ల సాయం అవసరం లేని వాహనాన్ని విద్యార్థులు తయారు చేశారు. వాహనంలో సోలార్ ప్యానెల్ ఉపయోగించబడుతుంది కాబట్టి, దానిని ఛార్జ్ చేయడానికి సూర్యరశ్మి మాత్రమే సరిపోతుంది.

ఈ సోలార్ ప్యానెల్ ద్వారా ఛార్జ్ చేస్తే 60 కి.మీ నుండి 70 కి.మీ వరకు ప్రయాణించవచ్చు. కాగా, విద్యార్థులు సోలార్ వాహనంగా మార్చిన ఈ కారు గంటకు 80 కి.మీ వేగంతో ప్రయాణిస్తుంది. ఈ సూపర్ స్పీడ్ సామర్ధ్యం కోసం ఈ మెకానిక్‌ విద్యార్థులు PLDC మోటార్‌ను ఉపయోగించారు.

దీనితో పాటు కారుకు 80-amp 48V బ్యాటరీ ప్యాక్‌ని జత చేశారు. ఈ బ్యాటరీలు సోలార్ ప్యానెల్ ద్వారా ఉత్పత్తి చేయబడిన విద్యుత్‌ను నిల్వ చేస్తాయి. ఈ ఒక్క బ్యాటరీ కోసమే విద్యార్థులు రూ. లక్షన్నర వరకు ఖర్చు చేశారు. బ్యాటరీలు కారు లోపలి భాగంలో అమర్చబడ్డాయి. దీని ద్వారా రూ. 80 వేలు ఆదా అయింది. అదేవిధంగా ఆల్టోలో మొత్తం నాలుగు సోలార

సూర్యరశ్మి తగిలేలా ప్రతిదీ కారు పైకప్పుపై అమర్చారు. బ్యాటరీలు, సోలార్ ప్యానెళ్లు, ఇతర ముఖ్యమైన విడిభాగాల కొనుగోలుకు మొత్తం రూ.2 లక్షలు వెచ్చించారు. ఇంత తక్కువ ఖర్చుతో తుప్పు పట్టిపోతున్న ఆల్టోను ఇప్పుడు సౌరశక్తితో నడిచే కారుగా మార్చారు విద్యార్థులు. విద్యార్థులు తమ విభాగాధిపతి ఆమోదం పొందిన తర్వాతే ఈ మార్పిడి ప్రక్రియలో నిమగ్నమయ్యారు.

పెరుగుతున్న పెట్రోల్ మరియు డీజిల్ ధరల నుంచి తప్పించుకోవడమే కాకుండా ఈ వాహనాలు విడుదల చేసే పొగ నుండి తప్పించుకోవడానికి కూడా ఎలక్ట్రిక్ వాహనాలను పెద్ద సంఖ్యలో ఉపయోగిస్తున్నారు. ఈ తరహా వాతావరణంలో విద్యార్థులు పైసా ఖర్చు లేకుండా వినియోగించే ఈ సోలార్ వాహనాలను రూపొందించడం భారతదేశ భవిష్యత్తుకు నిదర్శనం.